«Kristal Pelas» bosh murabbiyi Oliver Glasner Ispaniyaning «Rayo Valyekano» jamoasiga qarshi kechgan Konferensiyalar ligasi finali (1:0) u uchun jamoadagi oxirgi o‘yin bo‘lganini tasdiqladi.
«Bu oxirgi o‘yin bo‘lganiga hali ham ishongim kelmayapti. Lekin, ha, men shunday qarorga keldim. Menimcha, bu «Kristal Pelas» tarixidagi juda yaxshi fasl bo‘ldi, ammo bundan keyin yangi sahifalar ochiladi», — deya avstriyalik mutaxassisning so‘zlarini keltiradi Sky Sports.
«Kristal Pelas» o‘z tarixida ilk bor Konferensiyalar ligasida g‘olib chiqdi. Bu londonliklar uchun klub tarixidagi uchinchi sovrindir. Ularning barchasi 2025–2026 yillar oralig‘ida, jamoani Oliver Glasner boshqargan davrda qo‘lga kiritildi.
