Fransiyalik sobiq futbolchi Samir Nasri so‘nggi vaqtlarda sharhlovchi sifatida faoliyat yuritayotgan edi. Biroq u Chempionlar ligasi final uchrashuvini sharhlash taklifini rad etdi. Vaholanki, final ishtirokchilaridan biri «Arsenal» uning sobiq jamoasi hisoblanadi.
Buning sababi — Nasri ilgari «Marsel»da ham to‘p tepgan va haligacha ushbu klub bilan bog‘liqligini his qiladi. «PSJ» va «Marsel» esa ashaddiy raqiblardir. Nasri parijliklarning ehtimoliy g‘alabasini sharhlashni marsellik sifatida o‘zi uchun nomaqbul deb topgan.
Eslatib o‘tamiz, «PSJ» va «Arsenal» o‘rtasidagi final bahsi 30 may kuni bo‘lib o‘tadi.
