"Arsenal" bosh murabbiyi Mikel Arteta Chempionlar ligasining bo‘lajak final uchrashuvi haqida o‘z fikrlarini bildirib o‘tdi. London jamoasi "PSJ"ga qarshi maydonga tushadi.
"Biz "PSJ"ga qarshi o‘yinga katta jasorat bilan yondashishimiz kerak. Hamma bizga muxlislik qilmoqda. Biz "PSJ"ni juda yaxshi tahlil qildik. Shuningdek, ular nima uchun bunday harakat qilayotganining mazmun-mohiyatini ham o‘rgandik. Timber finalni asosiy tarkibda boshlashga 100 foiz tayyor. Madueke ham tayyor", – dedi Arteta matbuot anjumani davomida.
"Arsenal" o‘z tarixida faqat bir marta Chempionlar ligasi finalida o‘ynagan. Bundan 20 yil avval "kanonirlar" "Barselona"ga 1:2 hisobida imkoniyatni boy berishgandi.
