«Manchester Siti» markaziy himoyachisi Natan Ake yozgi transfer oynasida «Bornmut»ga qaytishi mumkin. «Gilos»lar erkin agent sifatida jamoani tark etadigan Markos Senesiga o‘rinbosar izlamoqda.
TEAMtalk ma’lumotlariga ko‘ra, «Bornmut»ning asosiy nishonlaridan biri Ake bo‘lib turibdi. Niderlandiyalik futbolchining «shaharliklar» bilan tuzgan shartnomasi bir yildan so‘ng yakuniga yetadi. «Manchester Siti» futbolchi bo‘yicha tushadigan takliflarni ko‘rib chiqishga tayyor.
2020 yilda Natan Ake aynan «Bornmut»dan «Siti»ga o‘tgan edi, o‘shanda transfer qiymati 45 million yevrodan ortiqni tashkil qilgandi. 31 yoshli futbolchining hozirgi narxi Transfermarkt portali ekspertlari tomonidan 15 million yevroga baholanmoqda.
