Leverkuzenning «Bayer» klubi himoyachisi, Ispaniya terma jamoasining Jahon chempionati uchun qaydnomasidan joy olgan Alexandro Grimaldo bo‘lajak turnir haqida o‘z fikrlarini bildirdi. U musobaqa favoritlaridan biri sifatidagi maqomga xotirjam qarashini ta’kidladi.

«Men bunga alohida e’tibor qaratmayman. Xuddi Yevropa chempionatida bo‘lgani kabi. Agar bizni shunday atashni istashsa — marhamat. Bu bizga bosim o‘tkazmaydi va bizni bo‘shashtirib ham qo‘ymaydi. Bizda Jahon chempionatida g‘olib chiqishga qodir jamoa borligini bilamiz. Bu fakt. Biz amaldagi Yevropa chempionlarimiz va ulkan iste’dodga egamiz. Biz g‘alaba qozonishni istaymiz va maqsadimiz faqat shu», — deya Grimaldoning so‘zlarini keltiradi AS nashri.

Musobaqaning guruh bosqichida Ispaniya terma jamoasi Saudiya Arabistoni, Urugvay va Kabo-Verde bilan to‘qnash keladi.