Леверкузеннинг «Байер» клуби ҳимоячиси, Испания терма жамоасининг Жаҳон чемпионати учун қайдномасидан жой олган Алехандро Гримальдо бўлажак турнир ҳақида ўз фикрларини билдирди. У мусобақа фаворитларидан бири сифатидаги мақомга хотиржам қарашини таъкидлади.
«Мен бунга алоҳида эътибор қаратмайман. Худди Европа чемпионатида бўлгани каби. Агар бизни шундай аташни исташса — марҳамат. Бу бизга босим ўтказмайди ва бизни бўшаштириб ҳам қўймайди. Бизда Жаҳон чемпионатида ғолиб чиқишга қодир жамоа борлигини биламиз. Бу факт. Биз амалдаги Европа чемпионларимиз ва улкан истеъдодга эгамиз. Биз ғалаба қозонишни истаймиз ва мақсадимиз фақат шу», — дея Гримальдонинг сўзларини келтиради AS нашри.
Мусобақанинг гуруҳ босқичида Испания терма жамоаси Саудия Арабистони, Уругвай ва Кабо-Верде билан тўқнаш келади.
