Ashraf Hakimiy «PSJ»ga ketma-ket ikkinchi mavsum Chempionlar ligasida g‘olib chiqishga yordam berdi. Marokashlik futbolchi «Arsenal»ga qarshi finalda asosiy tarkibda maydonga tushdi, o‘yinni qo‘shimcha bo‘limlarigacha o‘tkazdi va penaltilar seriyasida o‘z imkoniyatidan unumli foydalandi.
CentreGoals xabariga ko‘ra, Hakimiy tarixdagi eng ko‘p sovrin yutgan afrikalik futbolchiga aylandi – endi uning hisobida 19 ta sovrin bor. 27 yoshli o‘yinchi reyting bo‘yicha kamerunlik Samyuel Eto'O va ivuarlik Yaya Tureni ortda qoldirdi – ularning har ikkisi 18 ta kubokka egalik qilgan.
Bundan avval, Luis Enrike jamoasi Fransiya Liga 1 chempionatida ham yana bir bor zafar quchgan edi. Eslatib o‘tamiz, 2025 yil yakunlariga ko‘ra Ashraf Hakimi Afrikaning eng yaxshi futbolchisi deb topilgandi.
