«PSJ» bosh murabbiyi Luis Enrike Xvicha Kvarasxeliyani jamoaga olib kelish jarayoni haqida gapirdi.

«To‘g‘risini aytsam, uning ismi ilk bor tilga olinganda, u haqda juda kam narsa bilardim. Gruziya yirik Yevropa klublari e’tiborini tortadigan futbolchilarni doimiy ravishda yetkazib beradigan mamlakat emas, shuning uchun qiziqish paydo bo‘ldi.

Bir skaut menga shunday dedi: «To‘pga qarama. U to‘pni qabul qilganda himoyachilar nima qilayotganiga qara». Bu maslahat menga g‘alati tuyuldi, lekin u haq edi. «Napoli»ga qarshi o‘yinda Xvicha to‘pga teginishi bilan uning oldiga ikki-uch nafar himoyachi yopirilardi. Go‘yoki butun raqib jamoasi birgina futbolchi sababli o‘z taktikasini o‘zgartirayotgandek edi.

Yigirma daqiqadan so‘ng uning driblingiga emas, balki atrofdagilarga ko‘rsatayotgan ta’sirini kuzata boshladim. Eng zo‘r futbolchilar nafaqat o‘ynashadi, balki maydondagi boshqalarning xulq-atvorini ham o‘zgartirishadi. O‘yin tugagach, shtabimga aytdim: «Agar himoyachilar hozirdanoq undan shunchalik xavotirlanayotgan bo‘lsa, uch-to‘rt yildan keyin u kim bo‘lishini tasavvur qilib ko‘ring». O‘shanda biz alohida iste’dod bilan ishlayotganimizni tushunganmiz», — dedi Luis Enrike.

Eslatib o‘tamiz, Xvicha Kvarasxeliya 2025 yilda 80 million yevro evaziga «Napoli»dan «PSJ»ga o‘tgan edi.