«Milan» klubi rahbariyatidagi iste’folardan so‘ng jamoaning texnik tuzilmasini tubdan yangilash ustida ish boshlashdi. Ayni paytda bosh murabbiysiz va sport rahbariyatisiz qolgan «rossonerilar» uchun asosiy nomzod sifatida «Liverpul»dan bo‘shatilgan Arne Slot ko‘rilmoqda.

Corriere della Sera nashrining xabariga ko‘ra, klub Slotni bosh murabbiy, hozirda «Al-Ittihod»da faoliyat yuritayotgan Ramon Planesni esa sport direktori sifatida ishga taklif qilib, yangi rahbariyat tandemini yaratmoqchi. Muqobil variant sifatida boshqa xorijlik mutaxassislar ham o‘rganilmoqda, biroq Slotning erkin agentga aylanishi uni asosiy variantga aylantiradi.

Qaror qabul qilish jarayoniga klub maslahatchisi Zlatan Ibrahimovich katta ta’sir o‘tkazmoqda. Shved futboli yulduzi sport tuzilmasida haddan tashqari katta nazorat talab qiladigan Ralf Rangnik kabi nomzodlarga qarshi chiqmoqda. Yangi tayinlovlar yaqin kunlarda amalga oshirilishi kutilmoqda.