Italiyalik jurnalist Fabrisio Romano Rafael Leauning «Milan»da o‘tkazgan yetti yillik faoliyatidan so‘ng klubni tark etishga tayyorligi haqidagi ochiq bayonotiga munosabat bildirdi. Romanoning fikricha, futbolchi shu yo‘l bilan transfer bozorida o‘z mavqeini mustahkamlamoqchi va yoz boshidanoq jiddiy va batafsil muzokaralarga tayyor ekanini bildirmoqchi.

«Leau o‘z bayonoti bilan barchani hayron qoldirdi. Bu shuni anglatadiki, u bo‘lajak yozda boshqa klublar bilan muloqotda erkin bo‘lishni istaydi. U turli mish-mishlarga o‘rin qoldirmaslik uchun barchasini ochiq oydin aytdi», — deb iqtibos keltiradi Romanoning so‘zlarini pianetamilan.it portali.

Eslatib o‘tamiz, Leau 2019 yildan buyon ayni damdagi klubi sharafini himoya qilib kelmoqda.