Fransiyaning «Pari Sen-Jermen» klubi «Bornmut»ning 19 yoshli hujumchisi Eli Junior Krupiga qiziqish bildirmoqda. Bu haqda L’Équipe nashri xabar berdi.

Manbaning ta’kidlashicha, Parij klubi futbolchini shu yozda sotib olish variantini ko‘rib chiqmoqda. Krupi APLning 33 ta o‘yinida 13 ta gol urib, kuchli mavsumni o‘tkazdi va bu bir qator Yevropa top-klublari e’tiborini tortdi.

«Bornmut» atigi bir yil avval 13 million yevroga sotib olingan futbolchi bilan osonlikcha xayrlashish niyatida emas. Ingliz klubi rahbariyati hujumchini taxminan 100 million yevroga baholamoqda va transfer bozorida unga bo‘lgan qiziqish yanada ortishini tushunib turibdi.