Shanba kuni «Liverpul» Arne Slot bilan xayrlashganini e’lon qildi. Mersisaydliklar Chempionlar Ligasi yo‘llanmasini qo‘lga kiritgan bo‘lsa-da, Premyer-ligadagi beshinchi o‘rin «qizillar» uchun salbiy natija deb topildi. Boshqa turnirlarda ham jamoa muvaffaqiyatga erisha olmadi.
«Liverpul»ning navbatdagi bosh murabbiyi Andoni Iraola bo‘ladi. Bu haqda Indykaila News nashri «eksklyuziv bomba» belgisi ostida xabar bermoqda. Manbaga ko‘ra, klub Iraola bilan kelishuvga erishib bo‘lgan va faqat rasmiy e’lonni kutish qolgan.
Andoni Iraola 2025/2026 yilgi mavsum yakunida «Bornmut»ni tark etdi. U mazkur jamoani Yevropa Ligasiga olib chiqdi va «olchalar» o‘z tarixida ilk bor yevrokuboklarda ishtirok etadigan bo‘lishdi.
