Шанба куни «Ливерпуль» Арне Слот билан хайрлашганини эълон қилди. Мерсисайдликлар Чемпионлар Лигаси йўлланмасини қўлга киритган бўлса-да, Премьер-лигадаги бешинчи ўрин «қизиллар» учун салбий натижа деб топилди. Бошқа турнирларда ҳам жамоа муваффақиятга эриша олмади.
«Ливерпуль»нинг навбатдаги бош мураббийи Андони Ираола бўлади. Бу ҳақда Indykaila News нашри «эксклюзив бомба» белгиси остида хабар бермоқда. Манбага кўра, клуб Ираола билан келишувга эришиб бўлган ва фақат расмий эълонни кутиш қолган.
Андони Ираола 2025/2026 йилги мавсум якунида «Борнмут»ни тарк этди. У мазкур жамоани Европа Лигасига олиб чиқди ва «олчалар» ўз тарихида илк бор еврокубокларда иштирок этадиган бўлишди.
