«Arsenal»ning sobiq hujumchisi Tyerri Anri YECHL finalida «Arsenal» ustidan qozonilgan g‘alabadan so‘ng (1:1, penaltilar bo‘yicha 4:3), «PSJ» bosh murabbiyi Luis Enrikening ishiga yuqori baho berdi.

«Mbappe ketganidan so‘ng, siz jamoangiz yaxshiroq bo‘lishini, jamoa bo‘lib o‘ynashini va jamoa bo‘lib g‘alaba qozonishini aytgandingiz. Siz nafaqat buni aytdingiz, balki amalda isbotladingiz va buni yana bir bor takrorladingiz», — deya Anrining so‘zlarini keltiradi Footmercato.

Kilian Mbappe 2017 yildan 2024 yilgacha «Pari Sen-Jermen» sharafini himoya qilgan. Fransuz hujumchisi «Real»ga o‘tganidan so‘ng, «PSJ» ketma-ket ikki marta Chempionlar Ligasida g‘olib chiqishga muvaffaq bo‘ldi.

Eslatib o‘tamiz, Luis Enrike 2023 yildan beri Parij klubini boshqarib kelmoqda va uning amaldagi shartnomasi 2027 yilgacha mo‘ljallangan.