Chempionlar ligasida ikkinchi yil ketma-ket zafar quchgan «PSJ» rahbariyati tarkibni kuchaytirish rejalarini e’lon qildi. Fransiya Ligasi grandi allaqachon bu borada ishlarni boshlab yuborgan.
Foot Mercato xabariga ko‘ra, «PSJ» «RB Leypsig» vingeri Yan Diomandeni o‘z safiga qo‘shib olish ustida ishlamoqda. Manbaga ishonilsa, Diomande «PSJ»ga o‘tishga rozilik bildirgan. Bu muhim qadam hisoblanadi, chunki futbolchidan rozilik olgach, parijliklar endi faol harakatlarni boshlashadi.
Endi hammasi «PSJ» «RB Leypsig» bilan kelishuvga erisha oladimi-yo‘qmi, shunga bog‘liq. 19 yoshli Diomandeda boshqa variantlar ham bor — uning «Liverpul»ga o‘tish imkoniyati ham qiziqtirmoqda.
