«Yuventus» Dushan Vlaxovich bilan shartnomani uzaytirish uchun yana bir bor urinib ko‘radi.
Sky Sport Italia ma’lumotlariga ko‘ra, turinliklar forvard bilan yakuniy uchrashuvni o‘tkazadi, biroq hozirgi vaqtda Vlaxovichning «Yuventus»da qolishiga ishonch yo‘q. Serbiyalik futbolchining shartnomasi 30 iyun kuni o‘z nihoyasiga yetadi.
Shu bilan birga, «Yuventus» «Tottenxem»dagi ijara muddatidan so‘ng «PSJ»ga qaytgan Randal Kolo-Muani bo‘yicha muzokaralarni qayta boshladi. Ta’kidlanishicha, bitimni amalga oshirish qiyin kechadi — asosiy muammo transfer qiymati hisoblanadi.
