Ibraima Konate «Real»ga o‘tishga yaqin.

27 yoshli himoyachi «Liverpul»dan ketganidan so‘ng erkin agent maqomida bo‘lib turibdi. As nashrining xabariga ko‘ra, Madrid klubi futbolchi bilan 4 yillik shartnoma va yana bir yilga uzaytirish imkoniyati bo‘yicha kelishuvga yaqin turibdi. Bitim Florentino Peres prezidentlik saylovlarida g‘alaba qozongan taqdirdagina imzolanadi.

Ta’kidlanishicha, fransiyalik futbolchida «Bavariya», «PSJ» va APLning top-klublaridan ham takliflar bor.

Angliya chempionatining o‘tgan mavsumida Konate 36 ta o‘yinda maydonga tushib, 1 ta gol urgan.