Senegal terma jamoasi nihoyat AQSHga yetib keldi va mashg‘ulotlarni boshladi, biroq futbolchilar ularga taqdim etilgan to‘plardan hayratda qolishdi. Ularning trayektoriyasi va yerdan sakrashi oldindan aytib bo‘lmaydigan darajada ekani aytilmoqda.

Shuningdek, maydon qoplamalarining xususiyatlari ham senegalliklarni tashvishga solgan. AQSHdagi stadionlar, ma’lumki, boshqa sport turlari uchun mo‘ljallangan, shu sababli maydonlar Yevropadagi o‘rganilgan qoplamalardan tubdan farq qiladi, deya aniqlik kiritadi «derbyderbyderby.it».

Shunga qaramay, Senegal terma jamoasining mashg‘ulotidan olingan videolavha anchagina shov-shuvli bo‘ldi va Amerika matbuotida bu mavzuda qizg‘in bahs-munozaralarga sabab bo‘ldi. Muammoni hal qilish uchun tegishli choralar albatta ko‘riladi.