Hujumchi Dushan Vlaxovich shu yozda «Yuventus»ni tark etadi. talkSPORT ma’lumotlariga ko‘ra, serbiyalik futbolchi Turin klubi bilan shartnomani uzaytmaslikka qaror qilgan — u 30 iyun kuni erkin agentga aylanadi.

Madridning «Real» klubi hujumchini o‘z safiga qo‘shib olishdan manfaatdor. Klub prezidenti Florentino Peres futbolchiga uch yillik shartnoma taklif qildi. Peres Vlaxovichni tekinga (erkin agent sifatida) transfer qilishni rejalashtirmoqda.

Eslatib o‘tamiz, Dushan Vlaxovich 2022 yilda 85 million yevro evaziga «Fiorentina»dan «Yuventus»ga o‘tgan edi. 2025/26 yilgi mavsumda hujumchi Turin klubi safida barcha turnirlarda 23 ta o‘yin o‘tkazib, 10 ta gol urdi va ikkita golli uzatmani amalga oshirdi. Transfermarkt portali Vlaxovichning transfer qiymatini 35 million yevroga baholamoqda.