Ҳужумчи Душан Влахович шу ёзда «Ювентус»ни тарк этади. talkSPORT маълумотларига кўра, сербиялик футболчи Турин клуби билан шартномани узайтмасликка қарор қилган — у 30 июнь куни эркин агентга айланади.

Мадриднинг «Реал» клуби ҳужумчини ўз сафига қўшиб олишдан манфаатдор. Клуб президенти Флорентино Перес футболчига уч йиллик шартнома таклиф қилди. Перес Влаховични текинга (эркин агент сифатида) трансфер қилишни режалаштирмоқда.

Эслатиб ўтамиз, Душан Влахович 2022 йилда 85 миллион евро эвазига «Фиорентина»дан «Ювентус»га ўтган эди. 2025/26 йилги мавсумда ҳужумчи Турин клуби сафида барча турнирларда 23 та ўйин ўтказиб, 10 та гол урди ва иккита голли узатмани амалга оширди. Transfermarkt портали Влаховичнинг трансфер қийматини 35 миллион еврога баҳоламоқда.