«Real»ning sobiq murabbiyi Alvaro Arbeloa faoliyatini Germaniyada davom ettirishi mumkin. Bild nashri ma’lumotlariga ko‘ra, ispaniyalik mutaxassis yangi bosh murabbiy izlayotgan «Bayer» klubiga o‘z xizmatlarini taklif qilgan.

Leverkuzenliklar Arbeloaning murabbiylik faoliyatini ko‘p yillardan buyon kuzatib kelishadi, biroq hozircha unga ish taklif qilmoqchi emas. «Dorishunoslar» Arbeloani «Bayer»dek klubni boshqarish uchun yetarlicha tajribaga ega deb hisoblashmaydi.

Eslatib o‘tamiz, «Real» 2025/26 yilgi mavsumni Alvaro Arbeloa boshqaruvida yakunladi. U «qirollik klubi»ni joriy yilning yanvaridan boshlab boshqargan va jamoa Ispaniya chempionatida ikkinchi o‘rinni egallagan edi. «Bayer» esa Bundesligada mavsumni oltinchi pog‘onada yakunladi.