«Реал»нинг собиқ мураббийи Альваро Арбелоа фаолиятини Германияда давом эттириши мумкин. Bild нашри маълумотларига кўра, испаниялик мутахассис янги бош мураббий излаётган «Байер» клубига ўз хизматларини таклиф қилган.
Леверкузенликлар Арбелоанинг мураббийлик фаолиятини кўп йиллардан буён кузатиб келишади, бироқ ҳозирча унга иш таклиф қилмоқчи эмас. «Доришунослар» Арбелоани «Байер»дек клубни бошқариш учун етарлича тажрибага эга деб ҳисоблашмайди.
Эслатиб ўтамиз, «Реал» 2025/26 йилги мавсумни Альваро Арбелоа бошқарувида якунлади. У «қироллик клуби»ни жорий йилнинг январидан бошлаб бошқарган ва жамоа Испания чемпионатида иккинчи ўринни эгаллаган эди. «Байер» эса Бундеслигада мавсумни олтинчи поғонада якунлади.
