«Real» prezidenti Florentino Peresning fikricha, 2025 yilgi klublar o‘rtasidagi jahon chempionati sababli Madrid jamoasi joriy mavsumda muvaffaqiyatga erisha olmadi.
«Bu mavsumdagi xatolarimizdan qanday xulosa chiqardik? Men doimo aytamanki, futbolda va umuman sportda doim ham g‘alaba qozonavermaysiz. Biz kutilgan natijalarga erisha olmadik, ammo muammolarni aniqlab oldik.
Jamoa klublar o‘rtasidagi jahon chempionati tufayli mavsumoldi tayyorgarligini to‘liq o‘tkaza olmadi va bu bizga butun yil davomida xalaqit berdi. Mavsumning birinchi yarmida salkam 30 ta jarohat qayd etildi, ularning ba’zilari uzoq muddatli bo‘lib, bu hal qiluvchi omilga aylandi. Bu o‘yinchilarning yoki murabbiylarning aybi emas.
Barcha shunday holatlar sababli o‘z maqsadlarimizga yeta olmadik, ammo yangi mavsum chaqiriqlarini munosib kutib olish uchun hozirdanoq ish olib bormoqdamiz», — deya Peresning so‘zlarini keltiradi Diario AS.
2025/26 yilgi mavsumda «Real» 86 ochko jamg‘arib, Ispaniya chempionatida ikkinchi o‘rinni egalladi. Turnir g‘olibi esa 94 ochko bilan «Barselona» bo‘ldi.
