Argentinalik mutaxassis Maurisio Pochettino «Milan»ning yangi bosh murabbiyiga aylanishi mumkin.
pianetamilan.it nashrining ta’kidlashicha, klub rahbariyati u bilan yillik besh million yevro maosh evaziga kelishib olishga umid qilmoqda.
Pochettino faoliyati davomida ancha nufuzli jamoalarda ishlashga ulgurgan — masalan, uning boshqaruvida Londonning «Tottenxem» klubi Chempionlar ligasi finaliga qadar yetib borgan, «PSJ»da esa unga Messi-Neymar-Mbappedan iborat afsonaviy uchlik bilan birga ishlash nasib etgan (to‘g‘ri, bu uchlik samaradorlik borasida o‘zini unchalik ko‘rsata olmagan bo‘lsa-da). Ayni damda u Amerika Qo‘shma Shtatlari (AQSH) milliy terma jamoasini boshqarmoqda.
