Аргентиналик мутахассис Маурисио Почеттино «Милан»нинг янги бош мураббийига айланиши мумкин.

pianetamilan.it нашрининг таъкидлашича, клуб раҳбарияти у билан йиллик беш миллион евро маош эвазига келишиб олишга умид қилмоқда.

Почеттино фаолияти давомида анча нуфузли жамоаларда ишлашга улгурган — масалан, унинг бошқарувида Лондоннинг «Тоттенхэм» клуби Чемпионлар лигаси финалига қадар етиб борган, «ПСЖ»да эса унга Месси-Неймар-Мбаппедан иборат афсонавий учлик билан бирга ишлаш насиб этган (тўғри, бу учлик самарадорлик борасида ўзини унчалик кўрсата олмаган бўлса-да). Айни дамда у Америка Қўшма Штатлари (АҚШ) миллий терма жамоасини бошқармоқда.