Belgiya terma jamoasi ustozi Rudi Garsiya o‘z jamoasining bo‘lajak JCH-2026 turniridagi imkoniyatlarini baholadi.

«Bizning birinchi maqsadimiz — guruh bosqichidan o‘tish. Biz 2022 yilgi natijamizni yaxshilashni xohlaymiz. Keyin nima bo‘lishini esa vaqt ko‘rsatadi. Ko‘p narsa bizga qaysi raqib to‘qnash kelishiga bog‘liq bo‘ladi. Biz endi FIFA reytingida yetakchi emasmiz, hozirda Belgiya autsayder hisoblanadi. Bu normal holat», — deya fransiyalik mutaxassisning so‘zlarini keltiradi Football-Italia.

Jahon chempionatining guruh bosqichida «qizil iblislar» Eron, Misr va Yangi Zelandiya terma jamoalariga qarshi maydonga tushadilar. Ushbu nufuzli turnir 11 iyundan 19 iyulgacha bo‘lib o‘tadi.