Бельгия терма жамоаси устози Руди Гарсия ўз жамоасининг бўлажак ЖЧ-2026 турниридаги имкониятларини баҳолади.
«Бизнинг биринчи мақсадимиз — гуруҳ босқичидан ўтиш. Биз 2022 йилги натижамизни яхшилашни хоҳлаймиз. Кейин нима бўлишини эса вақт кўрсатади. Кўп нарса бизга қайси рақиб тўқнаш келишига боғлиқ бўлади. Биз энди ФИФА рейтингида етакчи эмасмиз, ҳозирда Бельгия аутсайдер ҳисобланади. Бу нормал ҳолат», — дея франциялик мутахассиснинг сўзларини келтиради Football-Italia.
Жаҳон чемпионатининг гуруҳ босқичида «қизил иблислар» Эрон, Миср ва Янги Зеландия терма жамоаларига қарши майдонга тушадилар. Ушбу нуфузли турнир 11 июндан 19 июлгача бўлиб ўтади.













