«Real» himoyachisi Antonio Ryudiger klubning oxirgi ikki mavsum davomida yirik sovrinlarni qo‘lga kirita olmagani borasida o‘z fikrlarini bildirdi.

Yakunlangan mavsumda Madrid jamoasi La Ligada chempion «Barselona»dan sakkiz ochkoga ortda qolgan holda ikkinchi o‘rinni egalladi.

«Ketma-ket ikki mavsum davomida hech qanday sovrin yuta olmaslik holatlari ham uchrab turadi. Albatta, buning ortidan juda ko‘p shov-shuvlar va shunga o‘xshash gap-so‘zlar ko‘payadi. Bu futbol, bunday voqealar bo‘lib turadi.

Inson o‘ziga nisbatan halol bo‘lishi, vaziyatdan to‘g‘ri xulosa chiqarishi va oldinga qarab harakat qilishi kerak. Hammasi juda oddiy.

Bizdan nima qilishimizni kutyapsiz? O‘tgan mavsumlar uchun o‘tirib yig‘lashimiz kerakmi? Yo‘q, albatta.

To‘g‘ri xulosa chiqarib, faqat oldinga intilish lozim, chunki boy berilgan narsalarni endi baribir ortga qaytarib bo‘lmaydi», — deya ma’lum qildi Antonio Ryudiger.