Rim shahrida davom etayotgan taekvondo bo‘yicha G6 tasnifidagi xalqaro Gran-pri turnirida navbatdagi medal qo‘lga kiritildi. Terma jamoamizning +80 kg vazn toifasidagi vakili Marat Mavlonov hisobimizga bronza medalini taqdim etdi.
Og‘ir vaznli sportchimiz final chiptasi uchun rossiyalik Rafail Ayukayevga qarshi shiddatli jang o‘tkazdi.
Qayd etish joiz, yosh Marat Italiya poytaxtida o‘z faoliyatidagi ilk Gran-pri medaliga ega chiqdi. Umid qilamizki, iste’dodli Marat Mavlonovning g‘alabali yurishi davom etadi.













