«Komo» bosh murabbiyi Sesk Fabregas A Seriya futbolining o‘ziga xos xususiyatlari haqida gapirdi. Ispaniyalik mutaxassis yakunlangan Italiya chempionatida o‘z jamoasi bilan sensasion tarzda to‘rtinchi o‘rinni egallab, Chempionlar ligasi yo‘llanmasini qo‘lga kiritgan edi.

«A Seriyada ko‘pchilik hujum qilishga emas, balki raqibni zararsizlantirishga e’tibor qaratadi. Ishoning, men futbolni juda ko‘p tahlil qilaman. Bundesliga, La Liga, APL o‘yinlarini kuzataman — u yerda jamoalar boshqacha himoyalanishadi. Masalan, Angliyada o‘yin tizimini, uslubni va murabbiyning g‘oyasini darhol ko‘rish mumkin. Italiyada esa buni payqash ko‘pincha imkonsiz — ba’zan umuman nima bo‘layotganini tushunish ham qiyin. Bu yerda tizimlilik kam, o‘yinlar ko‘pincha 1:0 yoki 0:0 hisobida tugaydi, g‘alaba qozonish juda qiyin. Shu boisdan ham eng mayda detallargacha alohida e’tibor qaratish o‘ta muhim», — dedi Fabregas The Athletic nashriga bergan intervyusida.

Eslatib o‘tamiz, ortda qolgan mavsumda «Inter» Italiya chempioniga aylandi.