Madridning «Real» klubi yarim himoyachisi Arda Gyuler Turkiya terma jamoasining Jahon chempionatidagi vazifalari haqida fikr almashdi. Turkiya milliy terma jamoasi guruh bosqichida Avstraliya, Paragvay va AQSH vakillariga qarshi bahs olib boradi.

«Yaxshisi, avval guruh bosqichi o‘yinlariga va pley-offga chiqish vazifasini hal qilishga e’tibor qaratganimiz ma’qul. Har bir alohida o‘yinga maksimal darajada diqqat bilan yondashish zarur. Biz turk xalqini yorqin futbol bilan quvontirmoqchimiz, muxlislarimizga faxrlanish uchun sabab taqdim etmoqchimiz», — deya Gyulerning so‘zlarini keltirmoqda Madrid Universal.

Shanbadan yakshanbaga o‘tar kechasi Turkiya terma jamoasi o‘rtoqlik uchrashuvida Venesuelani mag‘lub etdi (2:1).