O‘tmishning mashhur futbolchisi Roy Kin Angliya terma jamoasi hujumchisi Xarri Keynga o‘z maslahatlarini berdi. Ekspertning fikriga ko‘ra, inglizlarning 2026 yilgi Jahon chempionatidagi natijasi ko‘p jihatdan «Bavariya» forvardining o‘yiniga bog‘liq bo‘ladi.
Kinning hisoblashicha, Keyn maydonda to‘g‘ri pozisiya tanlashni bilishi kerak.
«Uning markaziy chiziqdan orqaga qaytishning hojati yo‘q. Bu ishni qila oladigan futbolchilar va yetarlicha sifatli ijrochilar jamoada topiladi. Sen oldinga intilishing kerak, chunki ayni damda dunyoning eng yaxshi hujumchisisan», — deya Kinning so‘zlarini keltiradi ITV nashri.
Tomas Tuxel shogirdlari «L» guruhidan joy olgan. Shuningdek, ushbu guruhda Xorvatiya, Gana va Panama terma jamoalari ham bor.
