Ўтмишнинг машҳур футболчиси Рой Кин Англия терма жамоаси ҳужумчиси Харри Кейнга ўз маслаҳатларини берди. Экспертнинг фикрига кўра, инглизларнинг 2026 йилги Жаҳон чемпионатидаги натижаси кўп жиҳатдан «Бавария» форвардининг ўйинига боғлиқ бўлади.
Киннинг ҳисоблашича, Кейн майдонда тўғри позиция танлашни билиши керак.
«Унинг марказий чизиқдан орқага қайтишнинг ҳожати йўқ. Бу ишни қила оладиган футболчилар ва етарлича сифатли ижрочилар жамоада топилади. Сен олдинга интилишинг керак, чунки айни дамда дунёнинг энг яхши ҳужумчисисан», — дея Киннинг сўзларини келтиради ITV нашри.
Томас Тухель шогирдлари «L» гуруҳидан жой олган. Шунингдек, ушбу гуруҳда Хорватия, Гана ва Панама терма жамоалари ҳам бор.
