Fransiya terma jamoasining sobiq futbolchisi Frank Lebyof keyingi mavsum oldidan jamoa tarkibini sezilarli darajada kuchaytirish uchun «Manchester Yunayted» qaysi futbolchini sotib olishi kerakligi haqidagi savolga javob berdi.
«O‘ylaymanki, Uorren Zair-Emerining transferi «Manchester Yunayted» uchun ajoyib xarid bo‘lar edi, ammo muvaffaqiyatga erishishi uchun unga atrofidagi o‘yinchilar kerak bo‘ladi.
Menga Maykl Kerrik va uning «ManchesterYunayted» uchun qilgan ishlari juda yoqadi. Qolaversa, u Zair-Emerining pozisiyasida o‘ynagan. Shuning uchun, unga qanday qilib yaxshiroq bo‘lish borasida ajoyib maslahatlar berishiga deyarli ishonchim komil. Bu Uorren uchun zo‘r qadam bo‘lishi mumkin edi.
Zair-Emeri — haqiqiy jangchi. U o‘zi o‘ynayotgan jamoa uchun o‘zini qurbon qilishga tayyor. Bu aniq. U tayyor bo‘ladimi? Hozircha ishonchim komil emas. U ajoyib mavsumni o‘tkazdi. Uni yaxshi yakunladi, lekin dastlabki olti oyda qiyinchiliklarga duch keldi. Shu sababli Uorren aksariyat o‘yinlarda maydonga tushmadi. Ehtimol, klubda qolish yoki qolmaslik borasida ikkilangani uchundir», — deya Lebyofning so‘zlarini keltiradi Tribal Football.
