Франция терма жамоасининг собиқ футболчиси Франк Лебёф кейинги мавсум олдидан жамоа таркибини сезиларли даражада кучайтириш учун «Манчестер Юнайтед» қайси футболчини сотиб олиши кераклиги ҳақидаги саволга жавоб берди.

«Ўйлайманки, Уоррен Заир-Эмерининг трансфери «Манчестер Юнайтед» учун ажойиб харид бўлар эди, аммо муваффақиятга эришиши учун унга атрофидаги ўйинчилар керак бўлади.

Менга Майкл Кэррик ва унинг «МанчестерЮнайтед» учун қилган ишлари жуда ёқади. Қолаверса, у Заир-Эмерининг позициясида ўйнаган. Шунинг учун, унга қандай қилиб яхшироқ бўлиш борасида ажойиб маслаҳатлар беришига деярли ишончим комил. Бу Уоррен учун зўр қадам бўлиши мумкин эди.

Заир-Эмери — ҳақиқий жангчи. У ўзи ўйнаётган жамоа учун ўзини қурбон қилишга тайёр. Бу аниқ. У тайёр бўладими? Ҳозирча ишончим комил эмас. У ажойиб мавсумни ўтказди. Уни яхши якунлади, лекин дастлабки олти ойда қийинчиликларга дуч келди. Шу сабабли Уоррен аксарият ўйинларда майдонга тушмади. Эҳтимол, клубда қолиш ёки қолмаслик борасида иккилангани учундир», — дея Лебёфнинг сўзларини келтиради Tribal Football.