Bugun, 8 iyun kuni O‘zbekiston milliy terma jamoasi Niderlandiya termasiga qarshi o‘rtoqlik uchrashuvida maydonga tushadi.

O‘yin oldidan har ikki jamoa rasmiylari ishtirokida tashkiliy uchrashuv bo‘lib o‘tdi. Unda bo‘lajak bahsga oid bir qator masalalar, xususan, jamoalarning qanday liboslarda harakat qilishi yuzasidan tushuntirish va eslatmalar berildi.

Unga ko‘ra, mazkur uchrashuvda futbolchilarimiz to‘liq ko‘k libosda, darvozabonimiz esa yashil libosda harakat qilishi ma’lum bo‘ldi.

Eslatib o‘tamiz, O‘zbekiston — Niderlandiya uchrashuvi bugun Toshkent vaqti bilan soat 23:45 da start oladi.