Ispaniya terma jamoasi Jahon chempionati oldidan so‘nggi o‘rtoqlik uchrashuvini o‘tkazadi. «Qizil furiya» mundialga tayyorgarlikni seshanba kuni (Toshkent vaqti bilan soat 07:00 da) bo‘lib o‘tadigan Peruga qarshi nazorat bahsi bilan yakunlaydi.

«El Partidazo de COPE» nashri tarqatgan xabarlarga ko‘ra, Lamin Yamal mazkur o‘yinda maydonga tushmaydi. Shuningdek, bosh murabbiy Luis de la Fuente yana ikki nafar vinger — Niko Uilyams va Viktor Munyos xizmatidan ham foydalana olmaydi.

Katta ehtimol bilan, ushbu uchchala futbolchi ham Jahon chempionati startiga qadar o‘z sport formalarini tiklab olishadi. Ispaniyaliklar 15 iyun kuni guruh bosqichining 1-turi doirasida Kabo-Verde bilan to‘qnash kelishadi, 21 va 27 iyun kunlari esa mos ravishda Saudiya Arabistoni hamda Urugvay terma jamoalariga qarshi bahs olib borishadi.