Fransiyaning «Lans» klubi bosh murabbiyi Pyer Saj Angliyada yangi ish boshlashga yaqin turibdi. Nufuzli insayder Fabrisio Romanoning xabar berishicha, 47 yoshli mutaxassis tez orada «Kristal Pelas» boshqaruvini qo‘lga oladi.
«Burgutlar» Oliver Glasner ketganidan keyin faol tarzda yangi murabbiy izlashayotgan edi. Manbaga ko‘ra, Saj Konferensiyalar ligasi g‘olibi bilan mehnat shartnomasi imzolashga tayyor.
Pyer Saj qo‘l ostida «Lans» o‘tgan mavsumda sezilarli muvaffaqiyatlarga erishdi. «Oltinranglilar» Liga 1 kumush medallarini qo‘lga kiritishdi, shuningdek, Fransiya Kubogida zafar quchishdi. Saj «Lans»dagi faoliyatidan avval «Lion» klubini boshqargan edi.
