Portugaliyalik mutaxassis Joze Mourinyu «Real» bilan mehnat shartnomasini imzolash uchun Madridga yetib keldi. Bu haqda jurnalist Fabrisio Romano ijtimoiy tarmoqlarda xabar bermoqda.
Tez orada mutaxassisning «qirollik klubi» bosh murabbiyi sifatidagi rasmiy taqdimot marosimi bo‘lib o‘tadi. Mourinyu va «qaymoqranglilar» o‘rtasidagi kelishuv 2029 yilning o‘rtalariga qadar mo‘ljallanadi.
Eslatib o‘tamiz, portugaliyalik mutaxassis avval ham (2010 yildan 2013 yilgacha) Madrid jamoasini boshqargan. Uning qo‘l ostida «Real» La Liga chempioni bo‘lgan, shuningdek, Ispaniya Kubogi va Supekubogida zafar quchgan. Yakunlangan mavsumda Mourinyu Lissabonning «Benfika» klubini mashq qildirgan edi.
