Transfer bozori eksperti Djanluka Di Marsio «Leypsig» hujumchisi Yan Diomande «Manchester Siti» qiziqishlari doirasiga tushganini ma’lum qildi.

«Liverpul» Yan Diomandeni o‘z safiga qo‘shib olishni juda ham xohlamoqda, biroq bu yo‘lda «Manchester Siti» tomonidan bo‘layotgan jiddiy raqobatga duch kelmoqda. Enso Mareska ushbu futbolchining o‘yinlaridan hayratda va Diomande u uchun birinchi raqamli nishon bo‘lib turibdi. «Manchester Siti» va Mareska uni o‘z jamoalarida ko‘rishni chindan ham juda istashyapti.

«Liverpul» uchun ham u asosiy tanlov hisoblanadi, shu sababli ayni damda hamma narsa faqat qaysi klub ko‘proq pul taklif qila olishiga bog‘liq. Futbolchi Premyer-ligaga ko‘chib o‘tadi va hozirda faqat ikkita variant ko‘rib chiqilmoqda: «Liverpul» va «Manchester Siti».

«PSJ» ham unga qiziqish bildirib, o‘z transfer ro‘yxatiga kiritgan, ammo parijliklar tarkibidagi mavjud futbolchilarni hisobga olsak, Diomande u yerga o‘tishni istamasa kerak deb o‘ylayman. Shu bois, u yoki «Liverpul» yoki «Manchester Siti» a’zosiga aylanishiga deyarli ishonchim komil», — dedi Di Marsio Wettfreunde nashriga bergan intervyusida.