Jahon chempionatining ochilish o‘yinida Meksika milliy jamoasi Janubiy Afrika Respublikasi ustidan ishonchli hisobda g‘alaba qozondi. Uchrashuv statistikasi bilan tanishtirib o‘tamiz.

O‘yin davomida meksikaliklar har tomonlama katta ustunlikka ega bo‘lishdi. Ular to‘p nazoratini 61 foiz darajasida ushlab turib, raqib darvozasi sari jami 16 ta zarba yo‘llashdi. Janubiy Afrika terma jamoasi esa bunga faqatgina 3 ta zarba bilan javob qaytara oldi, xolos. Kutilgan gollar (xG) ko‘rsatkichi ham Meksikaning hujumda ancha xavfliroq o‘ynaganini ko‘rsatmoqda (1.46 / 0.08).

Uchrashuvning eng diqqatga sazovor jihatlaridan biri — har ikki jamoa a’zolarining qo‘pol o‘yini va hakam tomonidan ko‘rsatilgan kartochkalar bo‘ldi. O‘yinda jami 3 ta sariq va 3 ta qizil kartochka ko‘rsatildi. Janubiy Afrika terma jamoasi bahsni 9 kishi bo‘lib yakunlagan bo‘lsa, Meksika ham bir nafar futbolchisidan ayrildi.

O‘yinning to‘liq statistikasi