AQSH terma jamoasi uchun o‘z uyidagi Jahon chempionati Paragvayga qarshi o‘yin bilan boshlanadi. Amerikaliklar bosh murabbiyi Maurisio Pochettino bo‘lajak uchrashuv haqida fikr bildirdi.
“Men ularning mentaliteti, tajovuzkorligi va raqobatbardoshligini juda yaxshi bilaman. Paragvay terma jamoasi saralash bosqichida ularga qarshi o‘ynash qanchalik qiyinligini ko‘rsatib qo‘ydi. Ular Argentina va Braziliyani mag‘lub etishgan. Ertaga juda qiyin o‘yin kutyapman. Ularda sifatli futbolchilar va men juda hurmat qiladigan ajoyib murabbiy — Gustavo Alfaro bor”, — dedi Pochettino matbuot anjumanida.
AQSH — Paragvay uchrashuvi 13 iyun kuni bo‘lib o‘tadi.













