FIFA prezidenti Janni Infantino kelajakda jahon chempionati ishtirokchilari sonini oshirish masalasi ko‘rib chiqilayotganini ma’lum qildi. Shuningdek, u Italiya terma jamoasining mundialga chiqa olmasligi haqida hazil qildi. 2026 yilgi musobaqada 48 ta terma jamoa ishtirok etadi.

«Biz jahon chempionatini 64 ta milliy jamoagacha kengaytirish imkoniyatini ham o‘rgandik, bu orqali butun dunyoni yanada ko‘proq qamrab olish mumkin bo‘ladi. Bu masala FIFA Kengashiga taqdim etilgan, lekin hozircha 48 jamoa ishtirokidagi ushbu ilk formatdan bahramand bo‘laylik.

64 ta jamoa bo‘lsa, ehtimol Italiya ham saralashdan o‘ta olardi… hatto uning turnirda qatnashishini kafolatlash uchun jamoalar sonini 208 tagacha ham oshirish mumkin bo‘lardi», — dedi Infantino Tuttosport nashriga tayanib CazéTV orqali keltirilgan so‘zlarida.