Jahon chempionati guruh bosqichining yana ikkita uchrashuvi yakunlandi. Kanada terma jamoasi Bosniya va Gersegovinaga qarshi o‘yinda mag‘lubiyatdan qutilib qolgan bo‘lsa, AQSH Paragvayni tor-mor etib, ayni damda JCH-2026dagi eng yirik g‘alabani qo‘lga kiritdi.

Kun natijalari:

• Kanada — Bosniya va Gersegovina — 1:1
  
  Gollar: Larin, 79 — Lukich, 21.

• AQSH — Paragvay — 4:1
  
  Gollar: Bobadilya, 7 (avtogol), Balogun, 33, Balogun, 45+5, Reyna, 90+7 — Ensiso, 72.

Kun qahramoni: Folarin Balogun (AQSH)

Hujumchi dubl qayd etdi va amerikaliklarning yirik hisobdagi g‘alabasining asosiy ijodkorlaridan biriga aylandi.

Kun omadsizi: Damyan Bobadilya (Paragvay)

Yarim himoyachi uchrashuvning dastlabki 7-daqiqasidayoq o‘z darvozasini ishg‘ol qilib qo‘ydi va bahsning bosh antiqahramoni bo‘ldi.

Kun raqami: 4

AQSH terma jamoasi raqib darvozasiga shuncha to‘p kiritdi. Bu hozirgi vaqtga kelib JCH-2026dagi eng sermahsul o‘yin bo‘lib turibdi.

Nimani o‘tkazib yuborgan bo‘lishingiz mumkin?

Kanada o‘z tarixida ilk bor Jahon chempionatida ochko qo‘lga kiritdi. Bosniya bilan o‘yingacha kanadliklar mundiallardagi oldingi barcha oltita uchrashuvda mag‘lub bo‘lishgan edi.

Guruhdagi vaziyat qanday?:

AQSH Paragvay ustidan qozonilgan yirik g‘alaba evaziga o‘z guruhida peshqadam bo‘lib oldi. Kanada esa Bosniya va Gersegovina bilan durangdan so‘ng pley-offga chiqish uchun yaxshi imkoniyatlarni saqlab qoldi.

Endi kimlar o‘ynaydi?

• 13 iyun: Qatar – Shveysariya (soat 00:00 da)

• 14 iyun: Braziliya – Marokko (soat 03:00 da)

• 14 iyun: Gaiti – Shotlandiya (soat 06:00 da)

• 14 iyun: Avstraliya – Tursiya (soat 09:00 da)

• 14 iyun: Germaniya – Kyurasao (soat 22:00 da)

• 14 iyun: Niderlandi – Yaponiya (15 iyunga o‘tar kechasi, soat 01:00 da)

(Izoh: O‘yin boshlanish vaqtlari Toshkent vaqti bilan ko‘rsatildi).