Portugaliya terma jamoasining sobiq futbolchisi Joze Fonte navbatdagi Jahon chempionatida ishtirok etishga tayyorlanayotgan Krishtianu Ronaldu haqida o‘z fikrlarini bildirdi.
«Krishtianu — barqarorlikning mutlaq namunasidir. Eng yuqori saviyada undan yaxshiroq hech kim yo‘q. Men undan ko‘p narsa o‘rgandim — fikr va tajriba almashdim, ilgari hech qachon payqamagan jihatlarimni kashf etdim. Ronalduning qilgan, qilayotgan va shubhasiz, bundan keyin ham qilishda davom etadigan ishlari tahsinga loyiq», — deya Fontening so‘zlaridan iqtibos keltiradi O Jogo nashri.
Portugaliya terma jamoasi Jahon chempionatidagi ilk o‘yinini 17 iyun kuni Kongo Demokratik Respublikasiga qarshi o‘tkazadi. Uchrashuv Toshkent vaqti bilan soat 22:00 da boshlanadi.
