Португалия терма жамоасининг собиқ футболчиси Жозе Фонте навбатдаги Жаҳон чемпионатида иштирок этишга тайёрланаётган Криштиану Роналду ҳақида ўз фикрларини билдирди.
«Криштиану — барқарорликнинг мутлақ намунасидир. Энг юқори савияда ундан яхшироқ ҳеч ким йўқ. Мен ундан кўп нарса ўргандим — фикр ва тажриба алмашдим, илгари ҳеч қачон пайқамаган жиҳатларимни кашф этдим. Роналдунинг қилган, қилаётган ва шубҳасиз, бундан кейин ҳам қилишда давом этадиган ишлари таҳсинга лойиқ», — дея Фонтенинг сўзларидан иқтибос келтиради O Jogo нашри.
Португалия терма жамоаси Жаҳон чемпионатидаги илк ўйинини 17 июнь куни Конго Демократик Республикасига қарши ўтказади. Учрашув Тошкент вақти билан соат 22:00 да бошланади.
