Yaya Ture «Slovan» bosh murabbiyiga aylanib, mustaqil murabbiylik faoliyatini boshladi. Mutaxassis Slovakiya klubi bilan uch yillik shartnoma imzolaganidan so‘ng o‘z taassurotlari bilan o‘rtoqlashdi.

«Men juda baxtliman va kuchga to‘laman. Dushanba kunidan ish boshlashni intizorlik bilan kutyapman. Mendan oldingi murabbiy «Slovan» bilan erishgan yutuqlari uchun katta hurmatga loyiq. Men ushbu muvaffaqiyatlarni davom ettirishni va shu bilan birga, jamoaga o‘zimdan yangi hamda betakror jihatlarni olib kirishni istayman. Futbol — men uchun butun bir hayot. Men qiyinchiliklarni (chaqiriqlarni) yaxshi ko‘raman va boy tarixga, ajoyib stadionga hamda yuksak maqsadlarga ega bo‘lgan bunday katta klubni boshqarish imkoniyati berilganidan nihoyatda xursandman», — deya Turening so‘zlarini keltiradi klub matbuot xizmati.

Ture, shuningdek, «Slovan»ning infratuzilmasi uni hayron qoldirganini ham ta’kidlab o‘tdi. Yaya jamoaga dominantlik qiluvchi (ustunlikka asoslangan) futbol uslubini singdirmoqchi. Eslatib o‘tamiz, «Slovan» Slovakiyaning amaldagi chempioni hisoblanadi.