Яя Туре «Слован» бош мураббийига айланиб, мустақил мураббийлик фаолиятини бошлади. Мутахассис Словакия клуби билан уч йиллик шартнома имзолаганидан сўнг ўз таассуротлари билан ўртоқлашди.

«Мен жуда бахтлиман ва кучга тўламан. Душанба кунидан иш бошлашни интизорлик билан кутяпман. Мендан олдинги мураббий «Слован» билан эришган ютуқлари учун катта ҳурматга лойиқ. Мен ушбу муваффақиятларни давом эттиришни ва шу билан бирга, жамоага ўзимдан янги ҳамда бетакрор жиҳатларни олиб киришни истайман. Футбол — мен учун бутун бир ҳаёт. Мен қийинчиликларни (чақириқларни) яхши кўраман ва бой тарихга, ажойиб стадионга ҳамда юксак мақсадларга эга бўлган бундай катта клубни бошқариш имконияти берилганидан ниҳоятда хурсандман», — дея Туренинг сўзларини келтиради клуб матбуот хизмати.

Туре, шунингдек, «Слован»нинг инфратузилмаси уни ҳайрон қолдирганини ҳам таъкидлаб ўтди. Яя жамоага доминантлик қилувчи (устунликка асосланган) футбол услубини сингдирмоқчи. Эслатиб ўтамиз, «Слован» Словакиянинг амалдаги чемпиони ҳисобланади.