«Lill» klubi va Marokash terma jamoasi yarim himoyachisi Ayyub Buaddi Yevropa grandlarining e’tiborini tortdi. 18 yoshli futbolchi jahon chempionati guruh bosqichining 1-turidan o‘rin olgan Braziliyaga qarshi o‘yinda (1:1) ishonchli harakat qilib, hammani o‘zi haqida gapirishga majbur etdi.
Insayder Fabrisio Romanoning bergan ma’lumotlariga ko‘ra, «PSJ» vakillari istiqbolli yarim himoyachi bo‘yicha allaqachon so‘rov yuborishgan. Parij klubi futbolchining iqtidoriga lol qolgan, biroq yarim himoya chizig‘ini kuchaytirishni ustuvor vazifa deb hisoblamagani uchun transferga shoshilmayapti.
Buaddi uchun kurashga, shuningdek, marokashlik futbolchining agenti bilan to‘g‘ridan-to‘g‘ri muzokaralar olib borayotgan Angliyaning «Arsenal» va «Liverpul» klublari ham qo‘shilishga tayyor. «Lill» yulduzining transfer bahosi Transfermarkt portali tomonidan 50 million yevroga baholanmoqda.
