«Bayer»ning chap qanot himoyachisi Alexandro Grimaldo Leverkuzenni tark etmoqchi. Bu haqda insayder Nikolo Skira xabar bermoqda.

Manbaning ma’lumotlariga ko‘ra, 30 yoshli ispaniyalik futbolchi shu yozda vataniga qaytishni istamoqda. Ta’kidlanishicha, o‘yinchi Madridning «Atletiko» klubidan aniq taklif olib ulgurgan. «Matraschilar» Grimaldo bilan yana bir yilga uzaytirish imkoniyati bilan 2029 yilgacha mo‘ljallangan shartnoma imzolashga tayyor.

2025/26 yilgi mavsumda Grimaldo barcha turnirlarda 46 ta o‘yinda maydonga tushib, 14 ta gol urdi va o‘z hisobiga 12 ta golli uzatmani yozib qo‘ydi.